"Nu kummt he weech"

Hebb ik je immer seggt:Ik verkoop mien Auto neet!Und wenn de ook noch sovöll Zettels an mien Wiskerblaan pappen-mit noch so good Angebaan. To Bispöll, dat ik een gooden Pries kriech,egal, wovöll Kilometers he runner hett.Ook för Unfallswagen woon netto unglövliche Offerten maakt. Datt"sofort und bor" betahlt wood,versteiht sück van süllmst. Und ook de Verheetung,datt de unbekannt Kooper,de nachts sien steckenden Helpers dört Ort stürt,dat Auto to Huus offhaalt,sull de Verkoopprozess beschlunigen. Bither all vergevens,as seggt.Nun aber sücht de Saak anners ut:Up de Rücksied van de erstuunlich proffessionell gemaakte Kortche ist een Kelender updruckt. Dat allenig ist neet de Clou: He hett genauso völl Dagen as jede anne ook, und de Wääkenenden sünd ook neet langer. Dorunner steiht jedoch noch een Tabell mit een greeppigen Utzug ut de Bußgeldkatalog fört to ferl Fohren: Dorr köst dat Blitzwoon innerorts all 15 €uro, wenn man mit Tempo 60 erwischt wood. Nichts dagegen, wenn dat bi 120 blitzt: 425€uro,veer Punkten,dree Maant Führerschien weech.Au weia,dorr laat ik de Wagen doch leever direkt stahn und waach dorup, bit he dör luuter verzettelste Koopangebaan neet mähr to sehn ist.